Bugungi kunda Özbekistonda amalga oşirilayotgan keng kölamli iqtisodiy islohotlarning tub zamirida xususiy sektorga keng yöl oçiş, taşabbuskor tadbirkorlarni har tomonlama qöllab-quvvatlaş va davlat mulkidan foydalaniş samaradorligini keskin oşiriş turibdi. Har bir qaror, har bir farmon jamiyat hayotiga yangi sur’at bağişlab, iqtisodiyotimizni yanada erkinlaştirişga xizmat qilmoqda. Sirdaryo viloyatida ham bu borada amaliy qadamlar taşlanib, davlat aktivlarini xususiy sektor ixtiyoriga ötkaziş, böş turgan binolarni yangi loyihalar uçun oçib beriş jarayonlari şiddat bilan davom etmoqda. Özbekiston Respublikasi Vazirlar Mahkamasining 2025-yil 22-oktabrdagi 668-sonli qaroriga asosan, Sirdaryo tumanining Yoşlik MFY, Özbekiston köçasida joylaşgan tuman soliq inspeksiyasining ma’muriy binosi xususiylaştiriş uçun Davlat aktivlarini boşqariş agentligi ixtiyoriga topşirildi. Uşbu qaror hududda iş boşlaş istagida bölgan har bir işbilarmon uçun öziga xos imkoniyat eşigini oçdi. Şuningdek, bu ezgu jarayonlar izçil davom ettirilib, Özbekiston Respublikasi Prezidentining 2026-yil 28-avgustdagi PF-177-sonli Farmoni ijrosi doirasida Sardoba tumanida ham muhim özgariş yuz berdi. Xususan, Quyitoş MFY, Böston köçasi, 9-uyda joylaşgan Sardoba tuman soliq inspeksiyasining ma’muriy binosi ham belgilangan tartibda tadbirkorlik subyektlariga xususiylaştiriş uçun Davlat aktivlarini boşqariş agentligiga berildi. Endilikda bu binolar özining avvalgi vazifasidan farqli ölaroq, yangi savdo markazlari, xizmat körsatiş şoxobçalari yoki işlab çiqariş maskanlariga aylanib, hudud iqtisodiyotiga munosib uluş qöşişi mumkin. Davlat mulkidan foydalanişda nafaqat xususiylaştiriş, balki tadbirkorlarni qöllab-quvvatlaşga qaratilgan ijtimoiy yönalişdagi şart-şaroitlar ham diqqat markazida turibdi. Sirdaryo viloyati soliq xizmati organlari tomonidan bugungi kunga qadar jami 232,4 kvadrat metr maydon şartnomalar asosida foydalanişga berilgan bölib, bu raqamlar ortida aniq ğamxörlik va qöllab-quvvatlaş mujassam. Xususan, Özbekiston Respublikasi Prezidentining 2026-yil 19-maydagi PF-95-sonli Farmoniga muvofiq: 141,5 kvadrat metr maydon tadbirkorlik subyektlariga töliq tekin foydalaniş uçun, ya’ni 0 qiymatda taqdim etildi. Bu esa öz faoliyatini boşlayotgan yoki kengaytirayotgan yoş tadbirkorlar uçun katta rağbatdir. Qolgan 90,9 kvadrat metr hudud esa qonunçilikda belgilangan tartibda şartnomalar asosida ijaraga berilib, buning evaziga 29,4 million söm miqdoridagi mablağlar yönaltirildi. Sirdaryo viloyatida davlat aktivlarini samarali boşqariş, foydalanilmayotgan binolarni tadbirkorlar ixtiyoriga beriş va imtiyozlar taqdim etiş jarayonlari hudud infratuzilmasini tubdan yaxşilaşga xizmat qilmoqda. Bunday islohotlar natijasida har bir böş turgan bino yangi hayot nafasini olib, aholi uçun yangi iş örinlari yaratilmoqda, tadbirkorlik muhiti esa yanada soğlom va jozibador körinişga ega bölmoqda.
Sirdaryo viloyati soliq boşqarmasi
