МАҲАЛЛА МУАММОЛАР ГИРДОБИДА ҚОЛДИ

Боёвутнинг “Қаропчи” маҳалла фуқаролар йиғини ҳудудида янги замонавий лойиҳа асосида 2013-2019 йиллар оралиғида қурилган уй-жойларда яшаётган аҳолини газ, сув, йўл ва йўл қурилиши билан боғлиқ муаммолар кўпдан бўён қийнаб келаяпти.

Ёзнинг жазирама иссиқ кунларида сув насоси билан боғлиқ ноҳуш вазиятлар юзага келди. Аҳоли бир, бир ярим хафта давомида сувсиз қолганлигини айтмаганда ҳозирча яхши. Газ муаммоси ҳамон ўша-ўша. Газ плитаси жўмрагидан газ ўрнига ҳаво сизиб турибди.

– Газга эмас ҳавога пул тўлаяпмиз. Кўчамизнинг, уйимизнинг рақами йўқ. Бирон бир кишига манзилингни айтишни билмайсан. Чунки уйларимиз бири-бирига ўхшайди, – дейди уй рақами, кўчасининг номини айтишни сир тутган фуқаро Зафар Жўраев. – 2016-2017 йиллар давомида қўрилган уй-жойларни ажратиб турувчи 20-25 метр атрофидаги ер бор. Йўл бўладими ёки боғ ташландиқ бир ҳолатда. Чор атрофни янтоқ, оқбош, саксовул қоплаган. Ёввойилашган, эгасиз итлар учун бошпанага айланган.

– Тўғриси ҳам шундай, – деди Рифат Тоғаев. – Тунда юришдан қўрқасан. Қутирган ё қутирмаганлигини билмайсан. Ўзимизку амаллаяпмиз. Болаларимиз-чи? Зора вилоят ва туман ветеринария хизмати, карантин инспекцияси чора кўришса.

Кўчасининг номи, уйининг рақами йўқ қаропчиликлар ёғин-сочин кунлар яқин қолганлигидан хавотирда. Қурилиши лозим бўлган йўл ва йўлакчалар қурилиши ўлда-жўлда бир аҳволда. Мутахасислар-чи? Улар ҳолатга панжа орасидан қарашаяпти. Чора излашаётганмиш. Аммо уч тўрт йилдирки топиша олмаётганмиш.

                                                                                               Ғулом ҲАМДАМОВ

You may also like...

Fikr bildirish